“O‘zbekko‘mir” AJ va UJICY bilan o‘zaro hamkorlik bo‘yicha uchrashuv bo‘lib oֹ‘tdi

Islom Karimov nomidagi Toshkent davlat texnika universiteti huzuridagi O‘zbekiston-Yaponiya yoshlar innovatsiya markazi (UJICY) hamda O‘zbekiston Respublikasi Investitsiyalar, sanoat va savdo vazirligi tashabbusi bilan, 2023-yil 14-noyabr kuni mahalliy konchilik va metallurgiya korxonalari vakillari bilan onlayn uchrashuv yakuni bo‘yicha korxonalar bilan bevosita uchrashuvlar tashkillashtirilishiga kelishib olingan.

2023-yil 23-noyabr sanasida “O‘zbekko‘mir” AJ mutaxassis xodimlari UJICYga tashrif buyurgan holda markaz ilmiy salohiyati bilan tanishishdi.Uchrashuv davomida kombinat xodimlarini markazda qisqa muddatli malaka oshirish kurslarini tashkil etish va istiqbolda Yaponiya davlatida qisqa va uzoq muddatli malaka oshirish masalasi ham ko‘rib chiqildi.

Shuningdek “O‘zbekko‘mir” AJ vakillari bilan korxona ishlab chiqarish sektoridagi istiqbolli loyihalarni amalga oshirishdagi ikki tomonlama hamkorlik yo‘nalishlari muhokama qilindi:

- ko‘mirdan yoqilg‘i va moylash materiallarini ajratib olish hamda ishlab chiqarish tizimini ko‘rib chiqish;

- kon laxmlarining o‘pirilishini oldini olish choralarini ishlab chiqish;

- texnik xodimlarning malakasini oshirish;

- konda ko‘chkining oldini olish uchun xavfsizlikni ta’minlash.

“O‘zbekko‘mir” va UJICY kelgusidagi munosabatlarni rivojlantirish bo‘yicha kelishib olindi.