O‘zbekiston-Yaponiya yoshlar innovatsiya markazida ma’naviy-ma’rifiy tadbir

Bugun 4-mart sanasida Islom Karimov nomidagi Toshkent davlat texnika universiteti huzuridagi O‘zbekiston-Yaponiya yoshlar innovatsiya markazida 8-mart - Xalqaro xotin-qizlar kuni munosabati bilan ma’naviy-ma’rifiy tadbir bo‘lib o‘tdi. Tadbir Markazda faoliyat olib borayotgan xotin-qizlar, ustozlar hamda ilmiy-tadqiqotchi yosh olimalarga bag‘ishlandi.

Tadbir davomida ayollarning jamiyat hayotidagi beqiyos o‘rni, xususan, ilm-fan, innovatsiya va ta’lim sohasidagi salmoqli hissasi alohida ta’kidlandi. So‘zga chiqqanlar tomonidan markaz faoliyatida samarali mehnat qilayotgan xotin-qizlarga samimiy tabrik va ezgu tilaklar bildirildi.

Markaz rahbariyati hamda Kasaba uyushmasi qo‘mitasi tomonidan fidokorona mehnat qilayotgan xodimalarga esdalik sovg‘alari topshirildi. Bu e’tibor va ehtirom bayramona kayfiyatni yanada ko‘tarib, jamoada iliq muhitni mustahkamladi.

Mazkur tadbir xotin-qizlarga hurmat va ehtirom ko‘rsatish, ularning jamiyat taraqqiyotidagi o‘rnini yana bir bor e’tirof etish hamda yosh avlodni ilmiy-innovatsion faoliyatga ruhlantirishga xizmat qildi.