“O‘zbekiston-Yaponiya yoshlar innovatsiya markazining institutsional boshqaruvini va barqaror rivojlanish salohiyatini kuchaytirish (2-bosqich)” JICA bilan uchrashuv

2025-yil 13-iyuldan 18-iyulgacha “O‘zbekiston-Yaponiya yoshlar innovatsiya markazining institutsional boshqaruvini va barqaror rivojlanish salohiyatini kuchaytirish (2-bosqich)” loyihasi doirasida Yaponiya xalqaro hamkorlik agentligi (JICA) delegatsiyasi O‘zbekistonda bo‘ldi. Delegatsiya tarkibiga quyidagi vakillar kirdi: Inson taraqqiyoti departamenti bosh direktori o‘rinbosari janob Ueda Daisuke va Inson taraqqiyoti departamenti xodimi Iijima Mixoko xonim. 2025-yilning 14-iyulidan 17-iyuliga qadar JICA delegatsiyasi markaz direktori boshchiligidagi O‘zbekiston-Yaponiya yoshlar innovatsiya markazi (UJICY) xodimlari bilan uchrashdi. Uchrashuvlarda markazni rivojlantirish bo‘yicha strategik rejalar muhokama qilindi, muassasa tuzilmasi hamda Yaponiya va O‘zbekiston tomonlarini qiziqtirgan masalalar atroflicha ko‘rib chiqildi. Tomonlar o‘zaro manfaatli hamkorlik va markaz faoliyatini respublika, hamda xalqaro miqyosda yanada rivojlantirishga xizmat qilishi kutilayotgan foydali ma’lumotlar bilan almashdilar. Markaz imkoniyatlarini kengaytirish, mutaxassislarni qo‘shimcha tayyorlash, yosh olimlarning malakasini oshirish masalalari muhokama qilindi.