O‘zbekiston-Yaponiya yoshlar innovatsiya markazida diplomatik uchrashuv
Joriy yilning 28-yanvar sanasida O‘zbekiston Respublikasining Yaponiyadagi Favqulodda va Muxtor Elchisi Muxsinxo‘ja Abduraxmonov yaponiyalik mutaxassislar birgalikda O‘zbekiston–Yaponiya yoshlar innovatsiya markaziga diplomatik tashrif bilan keldi.
Uchrashuv davomida Elchiga markazning ilmiy-texnik salohiyati, ustuvor yo‘nalishlari va yoshlar innovatsion salohiyatini rivojlantirishga qaratilgan loyihalari taqdim etildi. Tashrif O‘zbekiston Respublikasi Prezidenti Shavkat Mirziyoyevning Yaponiyaga amalga oshirgan oliy darajadagi tashrifi doirasidagi strategik hamkorlik vazifalariga mos ravishda tashkil etildi.
Elchi markazning mamlakat va xalqaro miqyosdagi ilmiy-texnik hamkorlikdagi amaliy ishlarda o‘rni katta ahamiyat kasb etilishini alohida ta’kidladi.
Uchrashuv yakunida istiqbolli loyihalarni qo‘llab-quvvatlash va hamkorlikni kengaytirish masalalari bo‘yicha fikr almashildi.
Markaz kimyo, energetika, foydali qazilmalarni qayta ishlash va materialshunoslik sohalarida zamonaviy laboratoriya infratuzilmasi bilan yosh olimlarga qulay ilmiy izlanish sharoitini taqdim etadi.
