O'zbekiston-Yaponiya yoshlar innovatsiya markazi haqida ma'lumot
O‘zbekiston-Yaponiya yoshlar innovatsiya markazi 2015-yil 25-oktabrda imzolangan O‘zbekiston Respublikasi hukumati va Yaponiya hukumati o‘rtasidagi hamkorlik to‘g‘risidagi memorandumga muvofiq tashkil etilgan bo‘lib, o‘z faoliyatini 2016-yildan boshlagan. Markazda to‘rtta laboratoriya, jumladan, kimyo va neft-kimyo laboratoriyasi, foydali qazilmalarni qazib olish va chuqur qayta ishlash laboratoriyasi, energetika, qayta tiklanadigan energiya manbalari va energiyani tejash laboratoriyasi, mashinasozlik va materialshunoslik laboratoriyasi mavjud. UJICY Yaponiyadagi Nagoya universiteti, Tsukuba universiteti, Teikyo universiteti, Akita universiteti, Tokio texnologiya instituti, Kyushu universiteti, Yokogama milliy universiteti kabi universitetlarning tadqiqotchilari bilan yaqin hamkorlik qiladi. 2016 yildan 2023 yilgacha bo‘lgan davrda markaz xodimlari tomonidan 350 dan ortiq ilmiy maqolalar yozildi, ularning bir qismi yapon olimlari bilan birgalikda jahonning yetakchi jurnallarida chop etildi.
E’lon!
Hurmatli olimlar, tadqiqotchilar va soha mutaxassislari!
Sizni “Energetika - Yer - Atrof-muhit va Muhandislik” mavzusidagi
5-chi Xalqaro Ilmiy Anjumanga taklif etamiz.
📅 O‘tkazilish sanasi: 2025-yil 4-5-dekabr
📍 Manzil: Toshkent shahri, Olmazor tumani, Universitet ko‘chasi, 2b-uy
